မြတ်စွာဘုရား၏ ၃၂ ပါးသော လက္ခဏာတော်များ ရရှိကြောင်း
ရှေးကောင်းမှုကုသိုလ်ကံများ
၁။ ဖ၀ါးတော် ညီညာခြင်းအကြောင်း
လင်္ကာ(၁) ။ ။ ဘ၀ထိုထို၊ ရှေးအဟိုဝယ်၊ ကုသိုလ်ပွားလူး၊ တရားထူး၌၊ စူးစိုက်မြဲ လျက်၊ ဆောက်တည်ချက်ကို၊ တားဖျက်မနိုင်၊ ကြံ့ခိုင်ခဲ့ခြင်း၊ ကောင်းမှုရင်းကြောင့်-- -၊ ရွှေခြေနင်းဟန်၊ နင်းပြန်အတူ၊ ကြွမူမခြား၊ ဖ၀ါးတော်ညီညာ၊ လက္ခဏာတော်၊ အာနုဘော်ဖြင့်---၊ ကျူးကျော်ဝံ့စား၊ လှုပ်ချောက်ချားအောင်၊ စွမ်းအားရှိမူ၊ ဘယ်ရန်သူမျှ၊ မပြုဝံ့ပါသော မြတ်စွာဘုရား မြတ်စွာဘုရား။
၂။ ဖ၀ါးတော်ဝယ် ၁၀၈ ကွက် စက်လက္ခဏာ ပါရှိခြင်းအကြောင်း
လင်္ကာ(၂) ။ ။ သူ့ချမ်းသာဆောင်၊ မကြောက်အောင်ရွယ်၊ စောင့်ရှောက်ကယ်၍၊ ဖွယ်ရာခြံရံ၊ လှူဒါနံကြောင့်---၊ ၀န်းရံပတ်လျက်၊ ရာ့ရှစ်ကွက်ဖြင့်၊ မြချက်ပုံတောင်း၊ အကွပ်ဆောင်း၍၊ ထောင်ပေါင်း အကန့်၊ ရှင်းသန့်ပြတ်သား၊ ခြေတော်ဖ၀ါး၌၊ ကြီးမားတေဇော်၊ စက်တော်ရတနာ၊ လက္ခဏာဖြင့်---၊ မကွာခစား၊ ထံတော်ပါးဝယ်၊ များသောအခြံအရံ ရှိတော်မူသော မြတ်စွာဘုရား မြတ်စွာဘုရား။
၃။ ဖနောင့်တော် လက်ချောင်း ခြေချောင်းတော် ရှည်သွယ်၍ ဖြောင့်မတ်သော ကိုယ်တော်ရှိကြောင်း
လင်္ကာ(၃)။ ။ ခြ ပုန်း ပိုး ရွ၊ စသည် မကြွင်း၊ သတ်ဖြတ်ခြင်းကို၊ အလျှင်းမပြု၊ ဤကောင်းမှုကြောင့်---၊ ဖနောင့်လက်ချောင်း၊ ခြေချောင်းသွယ်ရှည်၊ ဖြောင့်သည်ကိုယ်မှာ၊ လက္ခဏာဖြင့်---၊ မေတ္တာမပွား၊ တဖက် သားတို့၊ တုတ်ဓားဆောင်ယူ၊ သတ်လိုမူလည်း၊ ဘယ်သူမစွမ်း၊ ဘေးဘျမ်းမရှိ၊ ပကတိအသက် ရှည်တော်မူသော မြတ်စွာဘုရား မြတ်စွာဘုရား။
၎။ ခုနစ်ဌာန အသားတော် ပြည့်ဖြိုးခြင်းအကြောင်း
လင်္ကာ(၄)။ ။ ချိုမြိန်ကောင်းမြတ်၊ ရသာဓာတ်ကို၊ ဆက်ကပ်ပူဇော်၊ လှူဘူးသော်ကြောင့်---၊ ခြေတော် ဖမိုး၊ လက်ဖမိုးတော်၊ ပခုံးတော်နှင့်၊ ကုတ်(ဂုတ်)တော် ခုနစ်ချက်၊ စုံလျက်ဖြိုးဖြိုး၊ ညှပ်ရိုးပခုံး၊ လက်ရုံး ရင်တော်၊ ခုနစ်ဖော်လည်း၊ ရှုမျှော်မညှိုး၊ ဆူဖြိုးတင့်စွာ၊ လက္ခဏာဖြင့်---၊ အရသာဓာတ်၊ ထူးအမြတ်ကို၊ မပြတ်သုံးဆောင် တော်မူရပါသော မြတ်စွာဘုရား မြတ်စွာဘုရား။
၅။ လက်ခြေနူးညံ့၍ ရွှေဇာကွန်ရက် ခက်သကဲ့သို့ ရှိတော်မူခြင်းအကြောင်း
လင်္ကာ(၄)။ ။ ချစ်ဖွယ်စကား၊ ပေကမ်းငြား၍၊ စီးပွားဆောင်လင့်၊ ကိုယ်တူကျင့်ဟု၊ လေးဆင့်သင်္ဂြိုဟ်၊ သူ့ကိုယ်ထောက်ထား၊ ကောင်းမှုအားကြောင့်---၊ လက်ဖ၀ါးနှင့်၊ ခြေဖ၀ါးပါ၊ နူးညံ့စွာ၏၊ ရှစ်ဖြာလက်ချောင်း၊ ဆယ်ချောင်းခြေတော်၊ ညီမျှသော်ကြောင့်၊ မုယော်တွင်လစ်၊ အတွင်းဆစ်၌၊ ရေးရစ်ဖြောင့်လေ့၊ စပါးစေ့များ၊ ပွတ်တံခါးသို့၊ ဖြောင့်သားညီညာ၊ လက္ခဏာဖြင့်၊ ကောင်းစွာသိမ်းဆည်း၊ လုံးစည်းပေါင်းစု၊ လက်တွင်းပြုအပ်၊ ပရိတ်သတ်သာ၊ ရှိတော်မူပါသော မြတ်စွာဘုရား မြတ်စွာဘုရား။
(သင်္ဂဟ တရား ၄-မျိုး
(၁) ပေးကမ်းမှ နှစ်သက်သူကို ပေးကမ်းခြင်း = ဒါန၊
(၂) ပိယ၀ါစာ ချိုသာစကား ပြောကြားခြင်းကိုသာ အလိုရှိသူကို ပိယ၀ါစာ ချိုသာစကား ပြောကြားခြင်း = ပေယျဝဇ္ဇ၊
(၃) အကျိုးရှိအောင် ပြောဆိုဆုံးမခြင်းကို အလိုရှိသောသူတို့ကို အကျိုးရှိအောင် ကျင့်ကြံပြောဆိုခြင်း = အတ္ထစရိယာ၊
(၄) ဆင်းရဲ ချမ်းသာ အရာရာဝယ် ကိုယ်တူကျင့်မှ (တန်းတူထားမှ) ကျေနပ်နှစ်သက်သူကို ကိုယ်တူကျင့်ခြင်း = သမာနတ္တတာ။ )
၆။ ဖမျက်တော်မြင့်၍ မွေးညှင်းတော် ပျံခြင်းအကြောင်း
လင်္ကာ(၆)။ ။ ကြောင်းကျိုးဖော်ပြ၊ မြတ်ဓမ္မကို၊ မိန့်ဟဟောကျူး၊ ပြုခဲ့ဘူး၍---၊ မြင့်စူးဖမျက်၊ ရွှေမျက်ခွက်ကို၊ မော့လျက်ဖူးဟန်၊ မွေးညှင်းပျံသည့်၊ နှစ်တန်ခြင်းရာ၊ လက္ခဏာဖြင့်---၊ သတ္တ၀ါအလုံး၊ လူတဖြုံးကို၊ လွှမ်းဖုံးပိုမောက်၊ အခေါင်ရောက်သဖြင့်၊ ပါမောက်တစ်ဆူ၊ ဖြစ်တော်မူပါသော မြတ်စွာဘုရား မြတ်စွာဘုရား။
၇။ ဧဏီမည်သောသား (တနည်း - စပါးဖုံး) ကဲ့သို့ လုံးဝန်းတင့်တယ်သော သလုံးတော်ရှိခြင်းအကြောင်း
လင်္ကာ(၇)။ ။ နှုတ်မှုပညာ၊ လက်ပညာကို၊ ကောင်းစွာပို့ချ၊ သင်ခဲ့ပြ၍---၊ တောဝယ်မြိုင်ဖျား၊ ဧဏီသားသို့၊ စပါးဖုံးဟန်၊ လုံးလျားတင့်တယ်၊ သလုံးတော်ချယ်သဖြင့်---၊ သုံးဖွယ် သုံးရာ၊ အဖြာဖြာကို၊ မြန်စွာခဏ၊ ရတော်မူပါသော မြတ်စွာဘုရား မြတ်စွာဘုရား။
၈။ သိမ်မွေ့သော အရေတော်ရှိခြင်းအကြောင်း
လင်္ကာ(၈)။ ။ ရဟန်း ပုဏ္ဏား၊ သူမြတ်များသို့၊ ခစားဆည်းကပ်၊ သို့ပြုအပ်မည်၊ မအပ်မည်ကို၊ စိတ်ကြည် ညွတ်နူး၊ မေးခဲ့ဘူး၍---၊ နူးညံ့အရေ၊ ပိန်းကြာရွှေတွင်၊ ရေမတင်သို့၊ မြူလျှင်ကင်းဝေး၊ ညစ်ကြေးမလိမ်း---၊ ခပ်သိမ်းသတ္တ၀ါ၊ လောကဓာဝယ်၊ ပညာသာသူ၊ တူသူကင်းပြီး၊ ပညာရှိကြီးတစ်ဆူ၊ ဖြစ်တော်မူပါသော မြတ်စွာ ဘုရား မြတ်စွာဘုရား။
၉။ ရွှေရောင် မယွင်း၊ ၀ါဝင်းသော အဆင်းရှိခြင်းအကြောင်း
လင်္ကာ(၈)။ ။ ချိုးဖဲ့နှိပ်စက်၊ ဆိုတုံလျက်လည်း၊ အမျက်မလို၊ စိတ်မတိုခဲ့၊ ကြည်ညိုချမ်းမြေ့၊ ချောမွေ့နုမွတ်၊ အ၀တ်အရုံ၊ အခြုံအခင်း၊ လှူခဲ့ခြင်းကြောင့်---၊ အဆင်း အရေ၊ ဇမ္ဗူရွှေသို့၊ လျှံေ၀၀င်းဝါ၊ လက္ခဏာဖြင့်---၊ ဖဲဝါ ကတ္တီ၊ သိုးမွေးထည်နှင့်၊ ပိုးထည်နုပျောင်း၊ ထည်လိပ်ကောင်းကို၊ လူပေါင်းဗြဟ္မာ၊ နတ်ဒေ၀ါတို့၊ များစွာကပ်လှူ၊ မပြတ်ရတော်မူပါသော မြတ်စွာဘုရား မြတ်စွာဘုရား။
၁။ ရှေးဘ၀များက အစာအာဟာရကို လှူခဲ့ခြင်း၊
၂။ ရှေးဘ၀များက အ၀တ်အရုံကို လှူခဲ့ခြင်း၊
၃။ ရှေးဘ၀များက တံမျက်လှည်းကျင်း သုတ်သင်ခဲ့ခြင်း၊
၎။ အမျက်မထွက်ခဲ့ခြင်း၊
၁၀။ အအိမ်ဖြင့် ဖုံးလွှမ်းအပ်သည့် ယောက်ျားနိမိတ် ရှိတော်မူခြင်းအကြောင်း
လင်္ကာ(၁၀)။ ။ မိသား အဖ၊ မောင်နှမဟု၊ သဟာယချင်း၊ ကွေကွင်းခဲ့ရာ၊ တွေ့အောင်ရှာ၍၊ ကောင်းစွာ ထက်ကြပ်၊ ပေါင်းစပ်ခဲ့ဘူး၊ ကောင်းမှုထူးကြောင့်----၊ ဆင်မှူးဆဒ္ဒန်၊ ပုံသဏ္ဌာန်သို့၊ နေဟန်တင့်ဆုံး၊ အိမ်ဖုံးစေ့စပ်၊ သပ်ယပ်ထင်ရှား၊ ယောက်ျားနိမိတ်၊ တံဆိပ်ပြီစွာ၊ လက္ခဏာဖြင့်---၊ များစွာစုပေါင်း၊ ထောင် သောင်းမက၊ သားကောင်းရတော်မူပါသော မြတ်စွာဘုရား မြတ်စွာဘုရား။
၁၁။ အလံ အရပ် ညီမျှ၍ ရပ်တော်မူလျက် မညွတ်ပဲ ဒူးတော်ဝန်းကို သုံးသပ်တော်မူနိုင်ခြင်းအကြောင်း
လင်္ကာ(၁၁) ။ ။ ပုဂ္ဂိုလ်ယုတ်မြတ်၊ ရွေးချယ်လတ်၍၊ လျောက်ပတ်သင့်လျော်၊ ပူဇော်ခဲ့ ဟန်၊ ကောင်းမှုကံကြောင့်---၊ အလံအရပ်၊ ညီလတ်ရွှန်းရွှန်း၊ ပညောင်ဝန်းသို့၊ ၀န်းသောကိုယ်တော်၊ ရပ်သော်စူးစူး၊ မညွတ်ဦးပဲ၊ ရွှေဒူးဝန်းပေါ်၊ လက်ဝါးတော်ဖြင့်၊ သုံးသော်မှီလောက်၊ ကိုယ်ထက်အောက် လည်း၊ အပေါက်အဆက်၊ ညီလျက်အမျှ၊ ကုန်းမကွတည့်၊ ပုဏ္ဏကာယာ၊ လက္ခဏာဖြင့်---၊ သဒ္ဓါ သီလ၊ သုတ စာဂါ၊ ပညာ ဟီရိ၊ သြတ္တပ္ပီဟု၊ ခုနစ်လီ ဥစ္စာ၊ ရတနာသာရ၊ မြတ်ဓနဖြင့်၊ ကြွယ်ဝချမ်းသာတော်မူ ပါပေသော မြတ်စွာ ဘုရား မြတ်စွာဘုရား။
၁၂။ ကိုယ်တော်ပြည့်ဖြိုး၍ ရေစီးကြောင်းမထင် ကျောပြင်ရှိခြင်းနှင့် လည်တိုင်ဖြိုးတော်မူခြင်းအကြောင်း
လင်္ကာ(၁၂)။ ။ သူတပါးကို၊ ကောင်းစေလို၍၊ ကုသိုလ်ပညာ၊ ဥစ္စာဓန၊ သဟာယများ၊ ဘယ်သို့ပွားအံ့၊ သူ့အားတောင့်တ၊ ကြောင့်ကြခဲ့ဟန်၊ ကောင်းမှုကံကြောင့်---၊ မြိုင်ယံပျော်မွေ့၊ ရွှေခြင်္သေ့၏၊ ရှေ့ထက်ဝက်ကိုယ်၊ ပမာလိုလျှင်၊ ကိုယ်တော်အောင်မောင်း၊ ရေစီးကြောင်းမထင်၊ ရွှေကျောပြင်နှင့်၊ စည်သွင်မုရိုး၊ ပြည့်ဖြိုးလုံးခြင်း၊ လည်ပင်းသပ္ပါယ်၊ ဤသုံးသွယ်ဖြင့်---၊ ဤ၀ယ်လောကီ၊ ဤသည် လောကုတ်၊ ဂုဏ်ပေါင်းထုတ်သော်၊ ယုတ်လျော့ခြင်းရာ၊ မထင်ပါသော မြတ်စွာဘုရား မြတ်စွာဘုရား။
၁၃။ အရသာကြော ခုနစ်ထောင်တို့ အဖျားထောင်၍ လည်ပင်း၌ စွပ်လျက်ရှိခြင်းအကြောင်း
လင်္ကာ(၁၃)။ ။ သတ္တ၀ါခပင်း၊ မညှင်းဆဲရှောင်၊ ကုသိုလ်ဆောင်၍---၊ ခုနစ်ထောင်သော၊ ရသာကြောများ၊ အဖျားချင်းအပ်၊ လည်မှာစွပ်၍၊ မီးဓာတ်ဂဟဏီ၊ ဇီရဏီလည်း၊ အညီချက်ချေ၊ အစာကြေသဖြင့်---၊ ထွေထွေ ရောဂါ၊ ကင်းရှင်းကွာသည်၊ ကျန်းမာတော်မူပါသော မြတ်စွာဘုရား မြတ်စွာ ဘုရား။
၁၄။ မျက်လွန်းတော် အလွန်ညို၍ မျက်တောင်မွေးတော် အလွန်နုခြင်းအကြောင်း
လင်္ကာ(၁၄)။ ။ မျက်စောင်းမထိုး၊ မကျိုးမျက်မှောင့်၊ ဖြောင့်ဖြောင့်ချစ်ကြည်၊ ကြည့်ခဲ့သည်ကြောင့်---၊ ညိုကြည်မျက်လုံး၊ အံ့မဆုံးအောင်၊ ရွှေမျက်တောင်မွှေး၊ သွယ်သေးနုစွာ၊ လက္ခဏာဖြင့်---၊ ပိယာသိဒ္ဓိ၊ နတ်ဆေးရှိသို့၊ တြိဘုံခန်း၊ ရဟန်းလူများ၊ သိကြားဗြဟ္မာ၊ နတ်သူရာဟု၊ သတ္တ၀ါထိုထို၊ ကြည်ညိုလေးမြတ်၊ ချစ်ခင်အပ်ပါသော မြတ်စွာဘုရား မြတ်စွာဘုရား။
၁၅။ သင်းကျစ်တော် အသားလွှာ ပါရှိခြင်းအကြောင်း
လင်္ကာ (၁၅)။ ။ ကုသိုလ်တရား၊ ဟူသည်များ၌၊ ရှေ့သွားအမှူး၊ ဦးစီးခေါင်းခံ၊ ဆော်စီမံဘူး၊ ကောင်းမှု ထူးကြောင့်---၊ နဖူးတော်ဝယ်၊ ရွှေပြားချယ်သို့၊ တင့်တယ်လှစ်လှစ်၊ အသားစစ်မှ၊ သင်းကျစ်တော်လွှာ၊ လက္ခဏာဖြင့်---၊ သတ္တ၀ါထိုထို၊ များလူဗိုလ်တို့၊ ကိုယ်တော်နောက်၌၊ စိုက်စိုက်မကွာ၊ လိုက်ရပါသော မြတ်စွာဘုရား မြတ်စွာဘုရား။
၁၆။ မွေးတွင်းတော် တစ်ခု တစ်ခု၌ မွေးညင်းတော်တစ်ပင်စီ နှင့် နဖူးတော်၌ ဥဏ္ဏလုံမွေးရှင်တော် ပါရှိခြင်း အကြောင်း
လင်္ကာ(၁၆)။ ။ မလိမ်မထောင့်၊ သစ္စာစောင့်၍၊ ရိုးဖြောင့်မှန်စင်း၊ တရားရင်းကြောင့်---၊ မွေးတွင်းတစ်ခု၊ မြွှာ မစုပဲ၊ တစ်ခုစီတွင်၊ တပင်စီသာ၊ ရှင်းစွာသင့်လျော်၊ မွေးညှင်းတော်နှင့်၊ မျက်မှောင်တော်နှစ်ဖက်၊ အလယ်ချက်ဝယ်၊ လံဝက်လောက်မျှ၊ ဆွဲကရှည်လာ၊ လွှတ်လိုက်ခါမူ၊ လက်ျာရစ်ခွေ၊ ဖြူရောင်ဝေသည့်၊ ရွှေနဖူးဝယ်၊ သောက်ရှူးကြယ်သို့၊ နုနယ်ဂွမ်းပုံ၊ ဥဏ္ဏလုံဖြင့်---၊ သုံးဘုံလူဗိုလ်၊ ကိုယ်တော်စိတ်ကြိုက်၊ အလိုလိုက်ခါ၊ ပါရပါသော မြတ်စွာဘုရား မြတ်စွာဘုရား။
၁၇။ သွားတော် ၄၀ စေ့၍ သွားတော်မကျဲ သိပ်သဲစေ့စပ်ခြင်းအကြောင်း
လင်္ကာ(၁၇)။ ။ ဂုံးတိုက်စကား၊ ကြည်ရှောင်ရှား၍၊ ကွဲပြားမကပ်၊ ကြားစေ့စပ်သဖြင့်၊ စေ့စပ်ပြီးကို၊ မြဲအောင်ဆိုခဲ့၊ ထိုကုသိုလ်တော်၊ နှိုးပင့်ဆော်၍---၊ သွားတော်လေးဆယ်၊ ပြည့်ဖြိုးကြွယ်လျက်၊ သေးသွယ် စိပ်စိပ်၊ သိပ်သိပ်ထူထဲ၊ မကျဲသွားမှာ၊ လက္ခဏာဖြင့်---၊ ညီညာမြဲစွဲ၊ သူပင်ခွဲလည်း၊ မကွဲပြိုနိုင်၊ ကြံ့ခိုင်စေ့စပ်၊ ပရိတ်သတ်သာ၊ ရှိတော်မူပါသော မြတ်စွာဘုရား မြတ်စွာဘုရား။
၁၈။ ရှည်ပြန့်နူးညံ့သော လျှာတော်နှင့် အင်္ဂါရှစ်တန် ဗြဟ္မာကရ၀ိက်သံ ရှိတော်မူခြင်းအကြောင်း
လင်္ကာ(၁၈)။ ။ သူ့နားမချမ်း၊ ကြမ်းကြမ်းကြုတ်ကြုတ်၊ အယုတ်တမာ၊ မဆိုပါပဲ၊ ချိုသာအေးကြည်၊ ဆိုခဲ့သည် ကြောင့်---၊ လျှာရှည်ကြီးပြန့်၊ လျှာနူးညံ့လျက်၊ ရှင်းသန့်ချိုသာ၊ သိသာနာဖွယ်၊ ပွဲလယ်မထွက်၊ လုံးနက်ပဲ့တင်၊ အင်္ဂါရှစ်တန်၊ ဗြဟ္မာ ကရ၀ိက်၊ ကောင်းဟိတ်သံသာ၊ လက္ခဏာဖြင့်---၊ ဆိုခါရင့်ကျူး၊ စကားစူး၍၊ အထူးလိုက်နာ၊ သြဇာပြန့်လှိုင်၊ အာဏာထူး ပိုင်တော်မူပါသော မြတ်စွာဘုရား မြတ်စွာဘုရား။
၁၉။ လဆန်း ၁၂ ရက်လ နှင့် ခြင်္သေ့မင်း၏မေးတို့ကဲ့သို့ ဖြိုးသောမေးတော်ရှိခြင်းအကြောင်း
လင်္ကာ(၁၉)။ ။ အနှစ်မဆံ၊ ယူရန်ကင်းလျှော၊ အသောအဖျင်း၊ ပြောခြင်းမလေ့၊ ကုသိုလ်ငွေ့ကြောင့်---၊ ခြင်္သေ့မင်းလို၊ ရွှန်းစိုပုံ့ပုံ့၊ ဖြိုးစုန့်စုန့်လျှင်၊ ပြုံးတော့မည်ပုံ၊ ဆန်းတုံဆယ့်နှစ်ရက်၊ စန်းယုန်စက်သို့၊ ရောင်ယှက် ထွန်းပေါ်၊ မြတ်မေးတော်ဖြင့်---၊ ကျူးကျော်ဘယ်သူ၊ တစ်ယောက်လူမျှ၊ ကလူနိုင့်ထက်၊ မချိုးဖျက်နိုင်ပါသော မြတ်စွာဘုရား မြတ်စွာဘုရား။
၂၀။ ညီညွတ်သော သွားတော်နှင့် ဖြူဖွေးသောစွယ်တော်လေးဆူ ရှိခြင်းအကြောင်း
လင်္ကာ(၂၀)။ ။ ကြီးငယ်တောင်းလျှင်၊ ချိန်ခွင်တိုရှည်၊ လိမ်လည်လုယက်၊ ခိုးနှိပ်စက်၍၊ အသက်မွေးခြင်း၊ ကင်းခဲ့သောကြောင့်----၊ မခေါမသီ၊ စိန်ကိုစီသို့၊ ပြေညီသွားတော်၊ စွယ်တော်လေးဆူ၊ ဆွတ်ဆွတ်ဖြူသား၊ ကိုယ်တော့သွား၏၊ နှစ်ပါးခြင်းရာ၊ လက္ခဏာဖြင့်---၊ ယုတ်မာကောက်ကျစ်၊ ဆိုးညစ်သောသူ၊ မပါမူ၍၊ ဖြောင့် ဖြူသပ္ပါယ်၊ လ၌ကြယ်သို့၊ စင်ကြယ်သော အခြံအရံရှိတော်မူပါသော မြတ်စွာဘုရား မြတ်စွာဘုရား။
နိဂုံးချုပ် လက္ခဏာတော်ဘုရားရှိခိုး
ဤသို့ကောင်းမှု၊ ကိုယ်တော်ပြု၍၊ ယခုခါဝယ်၊ သုံးဆယ်နှစ်ပါး၊ ယောက်ျားအင်္ဂါ၊ လက္ခဏာဖြင့်၊ စကြာသခင်၊ ဖြစ်မည်လျှင်တည့်၊ စက်-ဆင်-မြင်း-မြ၊ မ-ဌေး-သား ဟု၊ ခုနစ်ပါး ရတနာ၊ သားမှာ တစ်ထောင်၊ လေးကျွန်းဘောင်ဝယ်၊ ဘုန်းခေါင်စက္က၀တ်၊ မချွတ်ဖြစ်မည်၊ လျှောက်တင်သည်ကို၊ မထီမလေး၊ တံတွေးပေါက် နှယ်၊ စွန့်ပစ်ပယ်၍၊ သောင်းနယ်လောကဓာတ်၊ လွှံ့ပတ်ကျေညာ၊ မဟာဓမ္မရာဇ်၊ မင်းဆုံးဖြစ်လျက်၊ ရေစစ်တွက် ကျုံး၊ အံ့မဆုံးအောင်၊ ဘုန်းတော်ခြောက်စုံ၊ ဂုဏ်တော်အနန်၊ ဥာဏ်တော်ဖြာဖြာ၊ လက္ခဏာနိသင်၊ အမြဲဆင်သော၊ ရှင်ပင်ဘုရား၊ ကိုယ်တော်အားကို၊ ကိုးစားကြပ်ကြပ်၊ မြဲဆည်းကပ်လျက်၊ တုံ့ဝပ်ရိုကျိုး၊ လက်စုံမိုး၍၊ ရှိခိုးပါ၏ မြတ်စွာဘုရား မြတ်စွာဘုရား။
(မန္တလေးမြို့၊ တောင်ပြင် ဘုံကျော်ကျောင်းတိုက်၊ ဒေါင်းကျောင်း စာချအကျော် ဆရာတော် အရှင်ဃောသိတ အရှင်မြတ်ရေးသားအပ်သော ဤလင်္ကာများကို မင်းကွန်းဆရာတော်ကြီးက မဟာဗုဒ္ဓ၀င်စာအုပ် အတွဲ (၂) ၌ ဖော်ပြထားပါသည်။ )
0 comments:
Post a Comment