သဒ္ဓမ္မသုံးဖြာ သာသနာ
ဂေါတမဘုရားရှင်သည် ဘုရားအဖြစ်သို့ ရောက်တော်မူပြီးနောက် နှစ်လပြည့်မြောက်သည့် ၀ါဆိုလပြည့် စနေနေ့ နံနက်စောစောတွင် ဗောဓိမဏ္ဍိုင်မှ ကာသိတိုင်း ဗာရာဏသီမြို့တော်သို့ ဓမ္မစကြာတရားဦး ဟောာရန် ကြွချီတော်မူပါသည်။ ဗောဓိပင်နှင့် ဂယာမြို့အကြား လမ်းခရီး၌ ဥပကတက္ကတွန်းနှင့် တွေ့ဆုံတော်မူရာ….
ဓမ္မစက္ကံ ပ၀တ္တေတုံ ၊ ဂစ္ဆာမိ ကာသိနံ ပုရံ။
အန္ဓီဘူတသ္မိံ လောကသ္မိံ၊ အာဟဥ္ဆံ အမတဒုန္ဒုဘိံ။ (၀ိ၊၃၊၁၂။ မ၊၁၊၂၂၇။ အဘိ၊က၊၂၁၈)
အို…ဥပက ငါသည် ဓမ္မစက်ကို လည်စေဖို့ရန် ကာသိတိုင်း ဗာရာဏသီမြို့ တော်သို့ ကြွချီနေ၏။ သူကန်းပမာ အမိုက်တိုက်သာ ဖြစ်သော လောက အတွင်း၌ အမြိုက်နိဗ္ဗာန်ဟူသောဓမ္မစက်ကြီးကို ရိုက်တီးဆော်ရွမ်းတော့မည်။
ဤသို့ ဥပကတက္ကတွန်းအား မိန့်ကြားကြေငြာတော်မူသည်။ ကြေငြာတော်မူ သည့်အတိုင်း ထိုဝါဆို လပြည့်နေ့ နေ၀င် လထွက်ချိန်တွင် ဓမ္မစကြာတရားဦးကို စ.တင်ဟောကြားတော်မူသည်။ ဆက်လက်၍ မြတ်စွာဘုရားသည် ၄၅-၀ါကာလကြာအောင် ဝေနေယျသတ္တ၀ါတို့အား ဓမ္မအမြိုက်ဆေး တိုက်ကျွေး ဆုံးမတော်မူသည်။ ထိုသူတော်ကောင်းတရားသဒ္ဓမ္မများသည် ---
ထိုးထွင်းသိမြင်အပ်သည့် မဂ်ဖိုလ်နိဗ္ဗာန်ဟူသော “ပဋိဝေဓသဒ္ဓမ္မ”
သီလ.သမာဓိ.ပညာသိက္ခာသုံးပါးအကျင့်တရားဟူသော“ပဋိပတ္တိသဒ္ဓမ္မ” တရားအစုဓမ္မက္ခန္ဓာရှစ်သောင်းလေးထောင်ဟူသော“ပရိယတ္တိသဒ္ဓမ္မ”ဟူ၍ သုံးမျိုးသုံးစားရှိလေသည်။
“ တရားစစ် တရားမှန် ”
အဆိုပါ သဒ္ဓမ္မများသည် လောက၌ အမြတ်ဆုံးရတနာစစ် ရတနာမွန်များဖြစ်သည်။ “ရတနာ”ဟူသည် ဘုန်းကံပါရမီရှင်ပုဂ္ဂိုလ်တို့နှင့်သာ ထိုက်တန်၍ ဘုန်းကံနည်းပါးအညံ့စားပုဂ္ဂိုလ်တို့နှင့် မထိုက်တန်ချေ။ ပါရမီရှင်ပုဂ္ဂိုလ်များ ထင်ရှားမရှိလျှင် ရတနာစစ် ရတနာမွန်များ ကွယ်ပျောက် သွားကြသည်။
လောကီရတနာတို့တွင် လူတို့အသုံးအစွဲများသောရွှေရတနာသည် ရွှေတု ရွှေယောင်များ ပေါ်ပေါက်
လာသောအခါ တစတစတိမ်မြုပ်ကွယ် ပျောက်သွားသည်။ ထို့အတူပင် တရားတု တရားယောင်
များ ပေါ်ပေါက် ထွန်းကားလာသောအခါ မြတ်စွာဘုရား၏ တရားစစ်တရားမွန်များ တစတစ
အရှိန်သေးသိမ် မှေးမှိန် ကွယ်ပျောက်ရလေသည်။
ဤအကြောင်းကို နိဒါန၀ဂ်၊ ကဿပသံယုဂ်၊ သဒ္ဓမ္မပဋိရူပကသုတ် (သံ၊၁။၄၂၂-၃) ၌ မြတ်စွာဘုရား ကိုယ်တော်တိုင် ဟောကြားတော်မူသည်။
“တရားတု တရားယောင်များ”
“တရားစစ် တရားမှန်”ဟူသောသဒ္ဓမ္မသုံးဖြာ သာသနာတော်မြတ်ကြီး ကွယ်ပခြင်း၏အကြောင်း မကောင်းသောတရားတု တရားယောင်တို့ကို ကျမ်းဂန်တို့၌ နှစ်မျိုးနှစ်စားခွဲခြား ပြဆိုသည်။ ယင်းတို့ကား……..
အစစ်အမှန် မဟုတ်သည့် ပဋိဝေဓတရားအတုအယောင်များဟူသော “အဓိဂမသဒ္ဓမ္မပဋိရူပက”နှင့် အစစ်အမှန် မဟုတ်သည့် စာပေကျမ်းဂန် အတုအယောင်ဟူသော “ပရိယတ္တိသဒ္ဓမ္မပဋိရူပက”တို့ဖြစ်သည်။
ထိုတွင် ၀ိပဿနာကမ္မဋ္ဌာန်းစီးဖြန်းအားထုတ်ရာ၌ တွေ့ကြုံတတ်သော သြဘာသ.ပီတိ.ပဿဒ္ဓိ. အဓိမောက္ခ.ပဂ္ဂဟ.သုခ.ဥာဏ.ဥပဋ္ဌာန.ဥပေက္ခာ.နိကန္တိ-ဟူသောဝိပဿနာညစ်ညူးကြောင်းတရားဆယ်ပါး သည် “အဓိဂမသဒ္ဓမ္မပဋိရူပက= ပဋိဝေဓတရားတု တရားယောင်များဖြစ်သည်။ ယင်းတို့ကို အတုအယောင် ဟု သိမြင်၍ မဂ်ဖိုလ်အစစ်ကို ရရန် ၀ိပဿနာတရားကို ဆက်လက်ရှုပွား အားထုတ်လျှင် ပဋိဝေဓတရားစစ် တရားမှန် ကို ဧကန်ပိုင်ပိုင် ရရှိနိုင်လေသည်။
“ပရိယတ္တိ အစစ်အမှန်”
ပရိယတ်တရားအစစ်အမှန်များမှာ မြတ်စွာဘုရား ကိုယ်တော်တိုင် ဟောကြား တော်မူအပ်သော ပိဋကသုံးသွယ် နိကာယ်ငါးရပ်ပါဠိတော် မြတ်နှင့် ယင်း၏ အဖွင့်သံဝဏ္ဏနာ.ပကိဏ္ဏကဒေသနာဟူသော အဋ္ဌကထာ များဖြစ်သည်။
ယင်းပါဠိအဋ္ဌကထာများကို ပဌမ.ဒုတိယ.တတိယသင်္ဂါယနာသဘင်တို့၌ အရှင်မဟာကဿပအစရှိသော တိပိဋကဓရ ပဋိသမ္ဘိဒါပတ္တရဟန္တာ အရှင်မြတ်ကြီးများ စိစစ်ဝေဘန်တော်မူကြ၍ အားလုံးသဘောတူ အတည်ပြုကာ သင်္ဂါယနာ တင်တော်မူကြသည်။
သင်္ဂါယနာသုံးတန်တင်ထားအပ်သော ဖော်ပြပြီးပါဠိအဋ္ဌကထာတို့နှင့် ညီလျှော်သောနောက်ပေါ် အဋ္ဌကထာ.ဋီကာ. အနုဋီကာ.ယောဇနာ. ဂဏ္ဌိ.နိဿယ. မြန်မာပြန်-စသောကျန်းဂန်တို့ကိုလည်း “ပရိယတ္တိ သဒ္ဓမ္မအစစ်အမှန်” ဟူ၍သာ ခေါ်ဆိုပညတ် အသိအမှတ်ပြုရလေသည်။
“ အတုများ ပေါ်ပေါက်ခြင်း ”
၄၅-၀ါကာလကြာအောင် မြတ်စွာဘုရားဟောကြားတော်မူအပ်သော တရား တော်များသည် ပရိနိဗ္ဗာန်စံတော်မူပြီးနောက် နှစ်ပေါင်း(၁၀၀) အတွင်း အယူဝါဒ အကွဲအပြားမရှိ ပကတိအတိုင်း တည်ရှိနေကြသည်။ ထိုကာလအတွင်း တရားတု. တရားယောင်များ ထင်ရှားမပေါ်လာသေးပေ။
နှစ်ပေါင်း(၁၀၀)ပြည့်မြောက်သောအခါ ဝေသာလီပြည်၌ ၀ဇ္ဇီတိုင်းသား ရဟန်းများသည် အဓမ္မ၀တ္ထုဆယ်ပါးကို ဟောကြားပြသ ကျင့်သုံးလာကြသည်။ ထိုအခါ အရှင်မဟာယသအမှူးရှိသော သံဃာတော်များက “အဓမ္မ”အဖြစ် အဆုံးအဖြတ်ပေး၍ ၀ဇ္ဇီတိုင်းသားရဟန်းများကို နှင်ထုတ်ပြီးလျှင် တိပိဋကဓရ ပဋိသမ္ဘိဒါပတ္တရဟန္တာအရှင်မြတ်(၇၀၀) တို့သည် ဝေသာလီပြည် ၀ါဠုကာရုံကျောင်း၌ ဒုတိယ သင်္ဂါယနာ တင်တော်မူကြသည်။
“ သံဃာ့ဂိုဏ်းကြီး ၁၈-ဂိုဏ်း ”
နှင်ထုတ်ခြင်းခံရသောဝဇ္ဇီတိုင်းသား ရဟန်းများသည် အသင်းအပင်းကို ရ၍ ဓမ္မနှင့်ဝိနယကို တစ်မျိုးတစ်ဖုံပြုပြင်ကာ “မဟာသင်္ဂီတိ”ဟူသော အမည်ဖြင့် သီးခြားသင်္ဂါယနာတင်ကြသည်။ ထိုအခါမှစ၍ ပဌမ.ဒုတိယ သင်္ဂါယနာတင် ဓမ္မနှင့် ၀ိနယကိုသာ လက်ခံသောမထေရ်မြတ်တို့၏ “ထေရ၀ါဒဂိုဏ်း”နှင့် မဟာသင်္ဂီတိ စင်ပြိုင်သင်္ဂါယနာတင် မထေရ်တို့၏ “မဟာသံဃိကဂိုဏ်း”ဟူ၍ ၂-ဂိုဏ်း ကွဲပြား လာသည်။
ထို့နောက် မဟာသံဃိကဂိုဏ်းမှ -------
၁။ ဂေါကုလိကဂိုဏ်း
၂။ ဧကဗျောဟာရိကဂိုဏ်း-ဟူ၍ ၂-ဂိုဏ်း ကွဲပြားလာသည်။
တဖန် ဂေါကုလိကဂိုဏ်းမှ ---------
၃။ ပညတ္တိဝါဒဂိုဏ်း
၎။ ဗာဟုလိက(ဗဟုဿုတိက)ဂိုဏ်းဟူ၍ ၂-ဂိုဏ်း
ဆက်လက်၍ ဗာဟုလိကဂိုဏ်းမှ---------
၅။ စေတိယ၀ါဒီဂိုဏ်းဟူ၍ ကွဲပြားလာရာ မူလမဟာသံဃိကဂိုဏ်း နှင့်တကွ ၆-ဂိုဏ်း ဖြစ်လာသည်။
-----------------------------------------------------------------------------
သန့်ရှင်းစင်ကြယ်သော ထေရ၀ါဒဂိုဏ်းမှလည်း -----------
၁။ မဟိသာသကဂိုဏ်း
၂။ ၀ဇ္ဇိပုတ္တကဂိုဏ်း ဟူ၍ ၂-ဂိုဏ်း ပေါ်လာပြီးနောက်-
မဟိသာသကဂိုဏ်းမှ-----------
၃။ သဗ္ဗတ္ထိဝါဒဂိုဏ်း
၎။ ဓမ္မဂုတ္တိကဂိုဏ်း ဟူ၍ ၂-ဂိုဏ်း ကွဲလာသည်။
တဖန် သဗ္ဗတ္ထိဝါဒဂိုဏ်းမှ ---------
၅။ ကဿပိယဂိုဏ်း
၆။ သင်္ကန္တိကဂိုဏ်း
၇။ သုတ္တ၀ါဒီဂိုဏ်း ဟူ၍ ၃-ဂိုဏ်း ကွဲပြားလာသည်။
ဝဇ္ဇိပုတ္တကဂိုဏ်းမှလည်း ------------
၈။ ဓမ္မောတ္တရိယဂိုဏ်း
၉။ ဘဒ္ဒယာနိကဂိုဏ်း
၁၀။ ဆန္ဒာဂါရိကဂိုဏ်း
၁၁။ သမ္မိတိယဂိုဏ်း ဟူ၍ ၄-ဂိုဏ်း ကွဲလာသည်။
ဤဂိုဏ်းကွဲ (၁၁)ဂိုဏ်းသည် မူရင်း ထေရ၀ါဒဂိုဏ်းနှင့်တကွ (၁၂)ဂိုဏ်း ဖြစ်သည်။
မဟာသံဃိကဂိုဏ်းကွဲ (၆)ဂိုဏ်းနှင့် ထေရ၀ါဒဂိုဏ်းကွဲ (၁၂)ဂိုဏ်း အားဖြင့် ဒုတိယနှင့်တတိယသင်္ဂါယနာ နှစ်တန်အကြားတွင် သံဃာ့ ဂိုဏ်းကြီး(၁၈)ဂိုဏ်း ပေါ်ပေါက်လာသည်။
ထိုဂိုဏ်းတို့တွင် မူရင်းဖြစ်သောထေရ၀ါဒဂိုဏ်းသည်သာ ရှေ့ဟောင်း ဓမ္မ၀ိနယကို အလေးပြု၍ အယုတ်.အလွန်မရှိ ထက်ဝန်းကျင် ပြည့်စုံသန့်ရှင်းသော ဓမ္မ၀ိနယကို ကျင့်သုံးဆောင်ရွက်သည်။ ကြွင်း (၁၇)ဂိုဏ်းတို့ကား ရှေ့ဟောင်း ဓမ္မ.၀ိနယကို တစ်မျိုး တစ်မည်ပြုပြင်၍ အယုတ်အလွန်ရှိသည့် မသန့်ရှင်း မစင်ကြယ်သော ဓမ္မ.၀ိနယကို ကျင့်သုံး ဆောင်ရွက်ကြလေသည်။ ဤကား ဒုတိယနှင့် တတိယသင်္ဂါယနာ အကြား နှစ်ပေါင်း(၁၀၀)ကျော်အတွင်း ပေါ်ပေါက် လာသော သံဃာ့ဂိုဏ်းကြီး (၁၈)ဂိုဏ်းတို့ ဖြစ်သည်။
“ တတိယသင်္ဂါယနာ ”
သာသနာနှစ် ၂၀၀-ကျော်တွင် “သိရီဓမ္မာသောက”ဟု လူသိများသော အသောကမင်းတရားကြီးသည် ဗုဒ္ဓမြတ်စွာ သာသနာ တော်ကို ကြည်ညိုလေးစား အရေးထားကာ အားပေးထောက်ပံ့လာသည်။ ထိုအခါ အညတိတ္ထိယများသည် လာဘ်သပ္ပကာခေါင်းပါး စားဝတ်နေရေး ကျပ်တည်းလာကြသည်။ လာဘသက္ကာရ ကို အကြောင်းပြု၍ အညတိတ္ထိယများသည် ဗုဒ္ဓသာသနာတော်တွင်းသို့ နည်း အမျိုးမျိုးဖြင့် ၀င်ရောက်လာကြပြီးလျှင် အညတိတ္ထိယတို့၏ မိစ္ဆာဒိဋ္ဌိအယူဝါဒများကို မြတ်စွာဘုရား၏ ဓမ္မ.၀ိနယအဖြစ် ဟောပြောပြသလာကြသည်။
ထိုအခါ သာသနာတော်၌ အညစ်အကြေးများဖြစ်ပေါ်လာသောကြောင့် အသောကမင်းတရားကြီး တည်ထားကိုးကွယ်သော အသောကာရာမကျောင်း တိုက်ကြီးအတွင်း၌ သံဃာတော်များ အချင်းချင်း ကွဲပြားကာ (၇)နှစ်တိုင်တိုင် ဥပုသ်.ပ၀ါရဏာ မပြုနိုင်ဘဲ ပြတ်စဲနေခဲ့သည်။
အသောကမင်းတရာကြီးကိုယ်တိုင် အရှင်မောဂ္ဂလိပုတ္တတိဿ မထေရ်မြတ် အထံမှ ဗုဒ္ဓ၀ါဒသမ္မာဒိဋ္ဌိ အယူကို လေ့လာသင်ယူပြီးလျှင် အညတိတ္ထိယများကို စိစစ်ရွေးထုတ်၍ အ၀တ်ဖြူပေးကာ လူဝတ်လဲ စေသည်။ သာသနာတော်မှ ဖယ်ထုတ်ခံရသောအညတိတ္ထိယတို့ကား (၆)သောင်းမျှ ရှိလေသည်။
ထိုအခါ အရှင်မောဂ္ဂလိပုတ္တတိဿမထေရ်သည် ဖြစ်ပေါ်ခဲ့ပြီးသော အကြောင်း ၀တ္ထုများနှင့် ဖြစ်ပေါ် လတ္တံ့သောအကြောင်းဝတ္ထုများကို တားမြစ် ပယ်ရှားရန် မြတ်စွာဘုရားပေးတော်မူအပ်သောနည်းဖြင့် ဆန့်ကျင်ဘက်အယူဝါဒကို နှိမ်နင်း နိုင်သည့် “ကထာဝတ္ထု”မည်သော ငါးခုမြောက်အဘိဓမ္မာကျမ်းကို ဟောကြားတော်မူသည်။
ထို့နောက် အရှင်မောဂ္ဂလိပုတ္တတိဿမထေရ်အမှူးပြုသော တိပိဋက ပရိယတ္တိဓရ ပဋိသမ္ဘိဒါပတ္တထေရ၀ါဒီမဟာထေရ် တစ်ထောင်သည် သင်္ဂါယနာ ၂-တန်တင်ပြီး သန့်ရှင်းစင်ကြယ်သောရှေ့ဟောင်းဓမ္မ.၀ိနယကို အသောကာရာမ ကျောင်းတိုက်ကြီးအတွင်း တတိယသင်္ဂါယနာ တင်တော်မူကြလေသည်။
“ ဂိုဏ်းသစ် ၉-ဂိုဏ်း ပေါ်ပေါက်လာခြင်း ”
ဖော်ပြပြီး အညတိတ္ထိယများသည် ဗုဒ္ဓသာသနာတော်၌ ထောက်တည်ရာ မရသဖြင့် အမျက်ဒေါသခြောင်းခြောင်းထလျက် ပါဋလိပုတ်မြို့တော်မှ ထွက်ခွါ၍ ရာဇဂြိုဟ်မြို့အနီး နာဠန္ဒာမြို့၌ စည်းဝေး တိုင်ပင်ကြကာ ဗုဒ္ဓသာသနာတော်ကို ဖျက်ဆီးရန် သာသနာနှစ်(၂၅၃) တွင် နေရာဌာန (၆)မျိုးတို့၌ နေထိုင်ကြ၍ ဂိုဏ်းသစ် (၉)ဂိုဏ်းတို့ကို ဖွဲ့စည်းတည်ထောင်ကြသည်။
ယင်းတို့ကား……..
၁။ ဟေမ၀တီဂိုဏ်း
၂။ ရာဇာဂိရိကဂိုဏ်း
၃။ သိဒ္ဓတ္ထိကဂိုဏ်း
၎။ ပုဗ္ဗသေလိယဂိုဏ်း
၅။ အပရသေလိယဂိုဏ်း
၆။ ၀ါဇိရိယဂိုဏ်း
၇။ ဝေတုလ္လဂိုဏ်း
၈။ အန္ဓကဂိုဏ်း
၉။ အညမဟာသံဃိကဂိုဏ်းတို့ဖြစ်သည်။
ထို(၉)ဂိုဏ်းတို့တွင် ဟေမ၀တိကဂိုဏ်းဝင်ပုဂ္ဂိုလ်တို့သည် “သဒ္ဓမ္မပဋိရူပက” ဟူသောပရိယတ်တရား အတုအယောင်ကို ဘုရားဟော ဒေသနာတော်အဖြစ်ဖြင့် ဖေါ်ပြလျက် “၀ဏ္ဏပိဋက”မည်သောကျမ်းကို ပြုစု ကြသည်။ ထို့အတူ ရာဇဂိရိကဂိုဏ်းဝင်ပုဂ္ဂိုလ်တို့သည် “ဂုဠှဝေဿန္တရကျမ်း” ကိုလည်းကောင်း၊ ပုဗ္ဗသေလိယဂိုဏ်းဝင်တို့သည် “ရဋ္ဌပါလဂဇ္ဇိတကျမ်း” ကိုလည်းကောင်း၊ အပရသေလိယဂိုဏ်းဝင်တို့သည် “အာဠ၀ကဂဇ္ဇိတ ကျမ်း”ကိုလည်းကောင်း၊ ၀ါဇိရိယဂိုဏ်းဝင်တို့သည် “ဂုဠှဝိနယကျမ်း”ကို လည်းကောင်း၊ ဝေတုလ္လ၀ါဒီဂိုဏ်းဝင်တို့သည် “ဝေတုလ္လပိဋကကျမ်း” ကိုလည်းကောင်း၊ အန္ဓကဂိုဏ်းဝင်တို့သည် “ရတနကူဋစသောကျမ်း” တို့ကိုလည်းကောင်း၊ အညသံဃိကဂိုဏ်းဝင်တို့သည် “အက္ခရသာရိယ စသောကျမ်း”တို့ကိုလည်းကောင်း ရေးသားပြုစုကြသည်။
တရားတုတရားယောင်ဖြစ်သော အဆိုပါ အညတိတ္ထိယကျမ်းတို့သည် ဇမ္ဗုဒီပအိန္ဒိယပြည်မှ လင်္ကာဒီပသီဟိုဠ်ကျွန်းသို့ အများအပြား ရောက်ရှိလာကြသည်။ ဤအကြောင်းသည် ဖော်ပြလတ္တံ့ပါ အဋ္ဌကထာကျမ်းတို့၌ ထင်ရှားသည်။
ဝဏ္ဏပိဋကအင်္ဂုလိမာလပိဋကရဋ္ဌပါလဂဇ္ဇိတအာဠ၀ကဂဇ္ဇိတဂူဠှမဂ္ဂ ဂူဠှဝေဿန္တရဂူဠှဝိနယဝေတုလ္လ
ပိဋကာနိ ပန အဗုဒ္ဓ၀စနာနိယေ၀ါတိ ၀ုတ္တံ။ (၀ိ၊ဋ္ဌ။၃။၉)
တိေဿာ ပန သင်္ဂီတိယော အနာရူဠှံ - ဂူဠှဝိနယံ ဂူဠှဝေဿန္တရံ ဂူဠှမဟောသဓံ ၀ဏ္ဏပိဋကံ အင်္ဂုလိမာလပိဋကံ ရဋ္ဌပါလဂဇ္ဇိတံ အာဠ၀က ဂဇ္ဇိတံ ဝေဒလ္လပိဋကန္တိ အဗုဒ္ဓ၀စနံ ပရိယတ္တိသဒ္ဓမ္မပဋိရူပကံ နာမ။ (သံ၊ဋ္ဌ။၂။၁၈၆)
ဆက်လက်ဖော်ပြပါမည်
0 comments:
Post a Comment